Майкл Левіт (анг. Майкл Левіт; 9 мая 1947) — біяфізік, прафесар у галіне структурнай біялогіі ў Стэнфардскім універсітэце з 1987 года, член Нацыянальнай акадэміі навук ЗША, лаўрэат Нобелеўскай прэміі па хіміі за 2013 год сумесна з Марцінам Карплюсам і Ары Уоршэлам.
Адукацыю Левіт атрымаў у лонданскім Кінгс-каледжы, скончыў яго ў 1967 годзе са ступенню бакалаўра навук. У 1972 годзе ў каледжы Гонвіл-энд-Кіз ён атрымаў ступень доктара філасофіі ў галіне вылічальнай біялогіі.
Левіт стаў адным з першых, хто ўжыў метад класічнай малекулярнай дынамікі да малекул ДНК і бялкоў і распрацаваў першае праграмнае забеспячэнне для гэтых мэтаў. Таксама Левіт распрацаваў метады прадказання макрамалекулярных структур, прымаючы ўдзел у эксперыменце CASP. Ён быў навуковым кіраўніком у такіх навукоўцаў, як Марк Гершнейн і Рам Самудрала. Таксама Левіт працаваў у супрацоўніцтве з Сайрусам Чотыя.