wd wp Пошук:
    ⬜

    Магілёўскі аўтамабільны завод

    Магілёўскі аўтамабільны завод.

    Магілёўскі аўтамабільны завод (МаАЗ) — беларускі вытворца земляройна-транспартнай тэхнікі. Выпускае аўтамабільную тэхніку, прызначаную для кар’ерных работ, падземных распрацовак рудных матэрыялаў, а таксама будаўніцтва дарог, плацін, тунэляў і мастоў.

    Створаны ў 1935 годзе як аўтарамонтны завод. За мінулы перыяд некалькі разоў мяняў профіль вытворчасці. Сваю сучасную назву — Магілёўскі аўтамабільны завод (МаАЗ) імя С. М. Кірава — прадпрыемства атрымала 28 сакавіка 1966 года.[1]

    З 2006 года завод з’яўляецца філіялам ААТ «БелАЗ».

    Гісторыя

    Магілёўскі аўтамабільны завод быў створаны ў 1935 годзе як аўтарамонтны завод. У канцы 1930-х гадоў Магілёўскі АРЗ фактычна быў абаронным прадпрыемствам — значную частку яго праграмы складалі спец. замовы. Ён быў асноўнай рамонтнай базай для аўтамабільных і бранятанкавых частак Заходняй Асобай Ваеннай акругі. У час Вялікай Айчыннай Вайны завод быў эвакуіраваны ў Заволжа і стаў часткай маторабудаўнічага гіганта, які вырабляў авіярухавікі для знакамітых ІЛ-2.

    У пасляваенны перыяд завод выпускаў парасілавыя ўстаноўкі магутнасцю ад 10 да 100 л.с. Устаноўкі прызначаліся перш за ўсё для электрыфікацыі і цеплафікацыі сельскай гаспадаркі і мясцовай прамысловасці.

    З 1955 года па 1968 год завод выпускаў электрамаставыя краны грузападымальнасцю 5 тон і маслазапраўшчыкі на базе аўтамабіляў ГАЗ.

    У красавіку 1958 года было прынята рашэнне ўрада аб спецыялізацыі ў аўтамабільнай прамысловасці. Адным з пунктаў гэтага рашэння загадвалася перадаць вытворчасць аднавосевых цягачоў і скрэпераў, распрацаваных на Мінскім аўтазаводзе, заводу пад’ёмна-транспартнага абсталявання імя С. М. Кірава Мінцяжмаша СССР у Магілёве, які да гэтага часу выпускаў электрамаставыя краны, парасілавыя ўстаноўкі і маслазапраўшчыкі на базе аўтамабіляў ГАЗ-51.

    З чэрвеня 1958 года на магілёўскім заводзе наладжваецца «адвёрткавая» зборка мадэрнізаваных аднавосевых колавых цягачоў МАЗ-529В з двухмеснай кабінай і рухавіком ЯАЗ-М206А магутнасцю 180 к.с. З 2 верасня 1958 года пачынаецца выраб ўстановачнай партыі машын, які завяршаецца да канца года. Паступова завод пераабсталявалі для паўнавартаснай серыйнай вытворчасці[1].

    З 1960 года перайшоў на вытворчасць земляройна-транспартнай і аўтамабільнай тэхнікі.

    Пераход на вытворчасць земляройна-транспартнай і аўтамабільнай тэхнікі ажыццяўляецца з непасрэдным удзелам Мінскага аўтамабільнага завода, цесная сувязь з якім працягваецца да цяперашняга часу.

    У 1960 годзе з Мінскага аўтазавода была пераведзена група канструктараў, якая стала асновай стварэння канструктарска-эксперыментальнай базы завода. З 1966 года — аўтамабільны завод, з 1975 года — у складзе вытворчага аб’яднання «БелаўтаМАЗ»[2].

    Прадукцыя

    Асноўнымі відамі выпускаемай прадукцыі заводам з’яўляюцца:

    На базе асноўных вузлоў выпускаецца цэлае сямейства ўніфікаваных машын:

    Больш за 85% усёй прадукцыі завода адпраўляецца ў Расію і краіны СНД.

    Зноскі

    1. 1 2 Одноосный тягач МАЗ-529 (руск.)
    2. ↑ Беларусь, 1995

    Літаратура

    Спасылкі

    Тэмы гэтай старонкі (7):
    Катэгорыя·Кастрычніцкі раён (Магілёў)
    Катэгорыя·Кампаніі Беларусі
    Катэгорыя·Прадпрыемствы Магілёва
    Катэгорыя·Беларускі аўтамабільны завод
    Катэгорыя·Вікіпедыя·Шаблон «Вонкавыя спасылкі» пусты
    Катэгорыя·Вытворцы грузавых аўтамабіляў
    Катэгорыя·Аўтамабілебудаўнічыя кампаніі