Лілонгвэ — горад, сталіца Малаві.
Лілонгвэ пачаў развіццё з маленькай вёскі на беразе ракі Лілонгвэ, хутка пераўтварыўшыся ў брытанскі каланіяльны адміністрацыйны цэнтр на пачатак ХХ стагоддзя. Дзякуючы выгаднаму размяшчэнню на асноўных гандлёвых шляхах у Паўночную Радэзію (цяпер Замбію), Лілонгвэ стаў другім па велічыні горадам Малаві. У 1974 годзе ў Лілонгвэ была перанесеная сталіца краіны з горада Зомба (чацвёрты па велічыні горад Малаві). Аднак, нягледзячы на афіцыйны статус сталіцы краіны і хуткі рост з 1974 года, асноўная частка прамысловасці і камерцыі краіны сканцэнтравана ў самым вялікім горадзе Малаві — Блантайры. Сёння Лілонгвэ застаецца палітычным і адміністрацыйным цэнтрам Малаві, а Блантайр — эканамічным.