У Вікіпедыі ёсць артыкулы пра іншых асоб з прозвішчам Шоу. .mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Леслі Морцімер Шоу (англ.: Leslie Mortimer Shaw; 2 лістапада 1848 — 28 сакавіка 1932) — амерыканскі палітык, прадпрымальнік, 17-ы губернатар Аявы і 43-і міністр фінансаў ЗША.
Шоу нарадзіўся ў Марыстаўне, штат Вермонт, у сям’і фермера. Атрымаў ступень у Корнелскім каледжы ў Маўнт-Вернан, штат Аява. З 1874 па 1876 год вывучаў права на юрыдычным факультэце ўніверсітэта Аявы ў Дэ-Мойне, Аява. Быў прыняты ў калегію адвакатаў у Дэнісане, Аява, дзе Шоу пазней заснаваў мясцовы банк.
Сваю палітычную кар’еру Шоу пачаў ў 1897 годзе з перамогай на выбарах губернатара Аявы. На гэтай пасадзе ён знаходзіўся на працягу двух тэрмінаў, з 13 студзеня 1898 па 16 студзеня 1902 года. 1 лютага 1902 года прэзідэнт Тэадор Рузвельт прызначыў Леслі Шоу на пасаду міністра фінансаў ЗША. Гэта прызначэнне было зроблена збольшага з-за прапаганды Шоу залатога стандарту, а таксама з-за яго падтрымкі Рузвельта на прэзідэнцкіх выбарах 1900 года. 4 сакавіка 1907 года на гэтай пасадзе Леслі змяніў Джордж Картэлью.
У 1908 годзе Шоу балатаваўся ў прэзідэнты ад Рэспубліканскай партыі, але прайграў выбары Уільяму Тафту. Памёр Леслі Шоу 28 сакавіка 1932 года ў Вашынгтоне, быў пахаваны на могілках Окленд ў Дэнісане, Аява.