Кім Чэн Ын (кар. 김정은; 8 студзеня 1982, 1983 або 1984, Пхеньян, КНДР) — паўночнакарэйскі палітычны дзеяч. Трэці сын Кім Чэн Іра.
Нарадзіўся 8 студзеня 1982—1984 гг (дакладная дата не вядомая) у сям’і лідара КНДР Кім Чэн Іра і яго трэцяй жонкі, былой актрысы Да Эн Хі, малодшы сын. Варта адзначыць, што дадзеная інфармацыя не пацверджана ні адной з паўночнакарэйскіх крыніц, такім чынам, давяраць ёй можна з вядомай доляй сумневу.
Як сцвярджае разведка Паўднёвай Карэі, Кім Чэн Ын скончыў міжнародную акадэмію ў Берне, Швейцарыя (англ.: The International School of Berne, камуна Муры-Берн). З 2002 года ў індывідуальным парадку вучыўся ў ваенным Універсітэце імя Кім Ір Сена ў КНДР.
Вышэйшы кіраўнік КНДР з 29 снежня 2011 года. У чэрвені 2016 года, калі шляхам унясення паправак у Канстытуцыю быў створаны Дзяржаўны савет КНДР як вышэйшы кіруючы органа краіны, Кім Чэн Ына выбралі яго кіраўніком. 11 красавіка 2019 года Кім Чэн Ын перавыбраны на пасаду старшыні Дзяржаўнага савета КНДР. Перавыбіранне паўночнакарэйскага лідара адбылося на першай сесіі ВНС 14-га склікання ў Пхеньяне[6].
Стаў першым лідарам КНДР, які наведаў Рэспубліку Карэя з 1953 года[7]. Яго сустрэча з Прэзідэнтам Рэспублікі Карэя Мун Чжэ Інам адбылася ў пагранічным пункце Пханмунджом 27 красавіка 2018 года. Падчас саміту быў выказаны намер падпісаць мірную дамову па выніках вайны 1953 года і пазбавіць Карэйскі паўвостраў ад ядзернай зброі.
Жонка — Лі Соль Чжу (кар.: 리설주)[8]