У Вікіпедыі ёсць артыкулы пра іншых асоб з прозвішчам Элісан. Джэймс Элісан (англ.: James P. Allison; нар. 7 жніўня 1948, Аліс, штат Тэхас) — амерыканскі імунолаг, спецыяліст па імунатэрапіі рака. Член Нацыянальнай Акадэміі навук (1997) і Медыцынскай акадэміі (2007) ЗША, доктар філасофіі, прафесар Анкалагічнага цэнтра ім. М. Д. Андэрсана Тэхаскага ўніверсітэта. Лаўрэат Нобелеўскай прэміі па медыцыне і фізіялогіі 2018 года за «адкрыццё тэрапіі анкалагічных захворванняў шляхам інгібіравання негатыўнай імуннай рэгуляцыі» і многіх іншых прэстыжных прэмій.