Гірык, Кірык, Грыг, Грыгорый (шатл. гэл.: Giric mac Dungail, англ.: Giric, забіты ў 896, паводле іншых звестак у 889) — кароль Альбы (Шатландыі) з 878 года.
Паходжанне Гірыка дакладна не ўсталявана. Існуе гіпотэза, што ён быў сынам дачкі Кенета I[2]. У некаторых крыніцах яго бацькам названы Дунгал, што дае падставу шэрагу даследчыкаў атаясамляць Гірыка з сынам караля Дональда I[3]. Акрамя таго, не зусім зразумела, ці насіў ён сапраўды каралеўскі тытул ці быў толькі апекуном Эахейда.
У 878 годзе правадыр Гарыяха Гірык, разбіўшы ў бітве і забіўшы караля Эда, захапіў уладу над Альбай (Шатландыяй) і ўтрымліваў яе на працягу васямнаццаці гадоў. Аднак Гірыку спатрэбіўся намінальны кіраўнік з нашчадкаў Кенета Мак-Альпіна і ён узвёў на прастол Эахейда, караля Стратклайда, унука Кенета па дачцы, а пасля яго смерці — Дональда II, сына Канстанціна I.
Гірык быў вымушаны адлюстроўваць набегі вікінгаў, якія спалілі Фортэвіят, старажытную сталіцу піктаў. Гірык нанёс захопнікам паражэнне пры Коліне на рацэ Тэй і перанёс сталіцу каралеўства ў Скун.