Вадзім Віктаравіч Бака́цін (6 лістапада 1937, Кісялёўск, Кемераўская вобласць — 31 ліпеня 2022, Масква) — савецкі і расійскі партыйны, дзяржаўны, палітычны і грамадскі дзеяч. Першы сакратар Кіраўскага (1985—1987) і Кемераўскага абкамаў КПСС (1987—1988). Міністр унутраных спраў СССР (1988—1990), апошні старшыня Камітэта дзяржаўнай бяспекі СССР (жнівень — снежань 1991), першы і апошні кіраўнік Міжрэспубліканскай службы бяспекі СССР (лістапад 1991 — студзень 1992). Член ЦК КПСС (1986—1991). Дэпутат Вярхоўнага Савета СССР (1986—1989). Саветнік Бяспекі пры Прэзідэнце СССР (сакавік — снежань 1991). Кандыдат у Прэзідэнты РСФСР на выбарах 1991 года.