Сюды перасылаецца запыт «Двунакіраванае пісьмо». На гэту тэму патрэбны асобны артыкул.
Бустрафедо́н (ад стар.-грэч.: βοῦς — бык і στρέφω — паварочваю) — спосаб пісьма, пры якім напрамак пісьма чаргуецца ў залежнасці ад цотнасці радка, гэта значыць калі першы радок пішацца справа налева, то другі — злева направа, трэці — ізноў справа налева і г.д. Гэты рух нагадвае рух быка з плугам на полі. Пры змене напрамку пісьма літары пісаліся люстрана.
Бустрафедон сустракаецца ў помніках лувійскага, паўднёвааравійскага, этрускага, грэчаскага, малаазійскіх і іншых відаў пісьма.