Бужумбу́ра (Bujumbura, Usumbura) — самы вялікі горад Бурундзі, да 2019 года сталіца краіны. Насельніцтва складае каля 300 тыс. чалавек. Горад размяшчаецца на ўзбярэжжы возера Танганьіка. Бужумбура з’яўляецца эканамічным, транспартным, палітычным цэнтрам краіны. Назва «бужумбура» перакладаецца як «кірмаш, на якім гандлююць бульбай».
Бужумбура пераўтварыўся ў горад з малой вёскі пасля таго, як тут быў пабудаваны нямецкі ваенны форт у 1889 годзе. Назва горада змянілася з Усумбура на Бужумбура пасля атрымання Бурундзі незалежнасці ў 1962 годзе. Пасля гэтага горад пераўтварыўся ў месца вайсковых сутыкненняў паміж узброеннымі групоўкамі хуту і тутсі. У горадзе існуюць прадпрыемствы па вытворчасці цэменту, тэкстылю і мыла. На ўзбярэжжы возера ёсць вялікі порт, праз які ідзе імпарт краіны.