Браціслаўскі Град
Браціслаўскі замак (славацк.: Bratislavský hrad) — цэнтральны і найважнейшы замак у Браціславе, які многія стагоддзі з’яўляецца неад’емнай часткай гарадской панарамы.
Манументальны «град», узноўлены з руінаў у другой палове XX ст., сімвалізуе больш за тысячу гадоў славацкай гісторыі, размешчаны на паўднёвым астроге Малых Карпатаў, на ўцёсе над левым берагам Дуная, ля перакрыжавання дарог міжнароднага значэння. Браціслаўскі замак — адна з галоўных дамінантаў горада, нацыянальна-культурны помнік.
Інтэр’ер
Планіроўка Градскага палаца захавала элементы Сігізмундавай готыкі (рыцарская зала, эркер у аркадзе) і Тэрэзіянскага барока. Для рэпрэзентатыўных функцый каралеўскага барочнага палаца характэрны прадстаўнічыя архітэктанічныя элементы, такія, як урачыстыя лесвіцы, якія займаюць сабой цэлае крыло, і вестыбюль. Ад рэнесансу засталіся толькі фрагменты ў паўднёва-ўсходнім вуглу з багатым роспісам скляпенняў і з расліннымі арнаментамі на сценах былога эркера. Тэрыторыя першага паверху служыць прадстаўніцкім мэтам Славацкай народнай рады. У федэральнай зале ў кастрычніку 1968 года быў падпісаны закон пра Чэхаславацкую федэрацыю. Гэтыя ўрачыстыя памяшканні ўпрыгожаны цэлым шэрагам твораў выбітных сучасных майстроў славацкага мастацтва.
Спасылкі
На Вікісховішчы ёсць медыяфайлы па тэме Браціслаўскі Град
Катэгорыя·Збудаванні Славакіі ў гатычным стылі
Катэгорыя·Збудаванні Славакіі ў стылі барока
Катэгорыя·Браціслава
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Замкі Славакіі