Бе́рнард Лу́кас «Бэн» Феры́нга (нідэрл.: Bernard Lucas “Ben” Feringa; нар. 18 мая 1951 у Баргер-Кампаскууме) — нідэрландскі арганічны хімік, які спецыялізуецца на малекулярных нанатэхналогіях і гамагенным каталізе. Працуе ва ўніверсітэце Гронінгена ў Нідэрландах і з’яўляецца членам Каралеўскай акадэміі навук Нідэрландаў. У 2016 годзе стаў лаўрэатам Нобелеўскай прэміі разам з Жанам-П’ерам Саважам і Фрэйзерам Стодартам за распрацоўку і сінтэз малекулярных машын.