Артур Эшкін (англ.: Arthur Ashkin; нар. 2 верасня 1922, Нью-Ёрк — 21 верасня 2020, Рамсон, Нью-Джэрсі) — амерыканскі фізік, вынаходнік, піянер у галіне стварэння аптычных пастак, развіццё якіх прывяло да кіравання атамамі, малекуламі, і біялагічнымі клеткамі. Акрамя аптычнага пінцэта, вядомы даследаваннямі ў галіне фотарэфракцыі, генерацыі другой гармонікі і нелінейнай оптыкі ў валокнах. Лаўрэат Нобелеўскай прэміі па фізіцы за 2018 год.