Арам Саркісян, больш вядомы як Арам MP3 (арм.: Արամ Սարգսյան; нар. 5 красавіка 1984, Ерэван, Арменія) — армянскі спявак, шоўмэн і комік, які быў абраны прадстаўляць Арменію на конкурсе песні «Еўрабачанне 2014», з песняй «Not Alone».[1][2][3][4]
Арам Саркісян нарадзіўся ў Ерэване 5 красавіка 1984 года. З дзяцінства марыў быць на вялікай сцэне, і яшчэ ў школе займаўся харавымі спевамі, удзельнічаў у школьных мерапрыемствах і тэатральных пастаноўках. У 2006 годзе скончыў Ерэванскі дзяржаўны медыцынскі ўніверсітэт па спецыяльнасці фармацэўт.
Удзельнічаў у тэлепраекце «Дзве зоркі», гумарыстычным праекце «32 зуба», дзе рабіў пародыі на знакамітых спевакоў. Вядучы цэлага шэрагу тэлеперадач. Зараз удзельнічае ў гумарыстычным праекце «Vitamin Club». Аднойчы, у адной з тэлеперадач, адзін з яго калег жартам назваў яго «MP3», пасля чаго гэта мянушка замацавалася за выканаўцам, стаўшы ў выніку яго сцэнічным імем.
31 снежня 2013 года Арам MP3 быў абраны прадстаўляць Арменію на «Еўрабачанні 2014» з песняй «Not Alone»[5], дзе заняў 4-е месца ў фінале.
Папярэднік: «Dorians» з песняй Lonely Planet |
Арменія на конкурсе песні Еўрабачанне 2014 |
Пераемнік: — |