Ален Аспэ (фр.: Alain Aspect; нар. 15 чэрвеня 1947, Ажэн, Францыя) — французскі фізік, спецыяліст па квантавай оптыцы, тэорыі схаваных параметраў і квантавай заблытанасці. Лаўрэат Нобелеўскай прэміі па фізіцы (2022).
У пачатку 1980-х працаваў над доктарскай дысертацыяй па няроўнасцях Бела. У гэты час атрымаў вядомасць яго эксперымент, звязаны з парадоксам Эйнштэйна — Падольскага — Розена. У далейшым пераключыўся на вывучэнне лазернага астуджэння. Цяпер ён заняты працамі па кандэнсаце Базэ — Эйнштэйна.
Прафесар парыжскай Політэхнічнай школы. Акадэмік Французскай акадэміі навук (2001). Член Французскай акадэміі тэхналогій. Замежны член Нацыянальнай акадэміі навук ЗША (2008). Член-карэспандэнт Аўстрыйскай акадэміі навук (2009). Член Еўрапейскай акадэміі (2009). Замежны член Лонданскага каралеўскага таварыства (2015).