Адміністрацыйны падзел Мадагаскара
Адміністрацыйны падзел Мадагаскара — падзел тэрыторыі Мадагаскара на пэўныя часткі ў мэтах эфектыўнай арганізацыі дзяржаўнага кіравання і мясцовага самакіравання.
Гісторыя
Правінцыі былі ўтвораны ў 1946 годзе, калі Мадагаскар быў французскай калоніяй. Першапачаткова іх было пяць, а шостая (Анцыранана) была створана трохі пазней, але да выбараў 1957 года[1].
Правінцыі былі скасаваны ў выніку прыняцця новага адміністрацыйна-тэрытарыяльнага падзелу на канстытуцыйным рэферэндуме 2007 года. Пераходны перыяд да новага адміністрацыйнага падзелу склаў 30 месяцаў (да кастрычніка 2009 года). Але ў новай канстытуцыі, прынятай у 2010 годзе, шэсць аўтаномных правінцый з’явіліся зноў[2].
Правінцыі
| Нумар | Акруга | Цэнтр | Плошча (км²) | Насельніцтва (2001) |
|---|---|---|---|---|
| 1 | Антананарыва | Антананарыва | 58 283 | 4 581 800 |
| 2 | Анцыранана | Анцыранана | 43 046 | 1 188 400 |
| 3 | Фіянаранцуа | Фіянаранцуа | 102 373 | 3 366 300 |
| 4 | Махадзанга | Махадзанга | 150 023 | 1 733 900 |
| 5 | Туамасіна | Туамасіна | 71 911 | 2 593 100 |
| 6 | Туліяра | Туліяра | 161 405 | 2 229 600 |
Зноскі
Тэмы гэтай старонкі (2):Катэгорыя·Спісы:Мадагаскар
Катэгорыя·Адміністрацыйны падзел Мадагаскара