«The Cranberries» (чытаецца: «Крэнбэрыс» — журавіны) — ірландскі рок-гурт, заснаваны ў 1989 годзе, дасягнуў сусветнай вядомасці ў 1990-х.[15] Яркі і моцны вакал Далорэс О’Рыардан, меладычны рок з лёгкім нацыянальным уплывам, «адкрыты» гітарны драйв, пранікнёная лірыка (песні пра каханне няшчаснае і шчаслівае, песні на сур’ёзныя тэмы, такія як міжнацыянальныя канфлікты, наркотыкі, экалагічныя праблемы, спакушэнне малалетніх, прагнасць, жорсткасць людзей, зайздрасць, хлусня, сям’я, смерць).