Termitotrox — род тэрмітафільных пласцініставусых жукоў з падсямейства Termitotroginae. Каля 10 відаў. Трапічная Афрыка і паўднёвая і паўднёва-усходняя Азія. Дробныя жукі, як правіла, карычневага колеру (ад чырвона-бурага да чорнага), даўжыня 1-3 мм. Вочы і крылы адсутнічаюць. Вусікі 9-членікавыя з 3-членікавай булавой. Сцёгны і тазікі шырокія. Лапкі сярэдняй і задняй пары ног кароткія, складаюцца з 5 членікаў[2][3].
Аблігатныя тэрмітафілы, якія жывуць унутры тэрмітнікаў грыбаразводных тэрмітаў з сямействаў Termitidae (Macrotermitinae: Odontotermes Holmgren, 1912 і Protermes Holmgren, 1910). Баразёнкі і жалабкі на маршчыністым целе запоўненыя труднавыдаляемымі мікрачасцінкамі глебы, што сведчыць пра ўмовы іх пражывання. Лічынкавыя стадыі не выяўленыя[2].
11 відаў. Раней род Termitotrox і трыбу Termitotrogini адносілі да падсямейства Aphodiinae[4], цяпер іх лічаць асобным манатыпным падсямействам Termitotroginae[2][3], ці нават вылучаюць у самастойнае сямейства Termitotrogidae[5][6]. Філагенетычная пазіцыя Termitotrox унутры Scarabaeidae застаецца невыяўленай[3] .