wd wp Пошук: ⬜

SpaceX

Space Exploration Technologies Corporation (SpaceX) — амерыканская кампанія, вытворца касмічнай тэхнікі са штаб-кватэрай у горадзе Хотарн, Каліфорнія, ЗША.

Заснавана ў 2002 годзе ранейшым уладальнікам PayPal і CEO Tesla Motors Іланам Маскам з мэтай скараціць выдаткі на палёты ў космас, адкрываючы шлях да каланізацыі Марса. Кампанія распрацавала ракеты-носьбіты Falcon 1 і Falcon 9, з самага пачатку маючы на ​​мэце зрабіць іх шматразовымі, і касмічны карабель Dragon (выводзіцца на арбіту Falcon 9), прызначаны для папаўнення запасаў на Міжнароднай касмічнай станцыі. Пасажырская версія карабля Dragon V2 для транспарціроўкі астранаўтаў на МКС знаходзіцца ў фінальнай фазе распрацоўкі. З 2015 года ўдзельнічае таксама ў рэалізацыі праекта вакуумнага цягніка Hyperloop.

З мэтай кантролю над якасцю і коштам, распрацоўка, вытворчасць і тэставанне большасці кампанентаў прадукцыі праводзіцца з апорай на ўнутраныя рэсурсы, уключаючы ракетныя рухавікі Merlin, Kestrel, Draco і SuperDraco, якія выкарыстоўваюцца на ракетах-носьбітах Falcon і карабле Dragon. Гэта дазваляе SpaceX прапаноўваць самыя нізкія цэны на рынку, а таксама прыкметна зніжае час вытворчасці.

Асноўныя дасягненні

Да самых прыкметных дасягненняў SpaceX адносяцца:

• Ракета-носьбіт з вадкаснымі рухавікамі (Falcon 1), якая 28 верасня 2008 года вывела карысную нагрузку на калязямную арбіту.[3][4]
• Касмічны карабель (Dragon), паспяхова запушчаны, выведзены на арбіту і вернуты на Зямлю 8 снежня 2010 года[5]; першы прыватны карабель, прыстыкаваны да МКС — 25 мая 2012 года.[6]
• Запуск спадарожніка (SES-8) на геастацыянарную арбіту — 3 снежня 2013.[7]
• Першая ў гісторыі[8] пасадка першай ступені на Зямлю пасля арбітальнага запуска ракеты-носьбіта Falcon 9 — 22 снежня 2015 года.[9][10][11][12]
• Першая паспяховая пасадка першай ступені ракеты-носьбіта Falcon 9 на марскую платформу Autonomous Spaceport Drone Ship — 8 красавіка 2016 года.[13]
• Кампанія SpaceX у супрацоўніцтве з NASA адправіла на МКС двух амерыканскіх астранаўтаў на караблі Crew Dragon. Упершыню на МКС людзі адправіліся на транспарце прыватнай кампаніі — 30 мая 2020[14].

Зноскі

1. ↑ https://www.spacex.com/about
2. ↑ https://spacexfleet.com/Octagrabber Праверана 5 кастрычніка 2021.
3. ↑ Falcon 1 Flight 4 Mission Summary In Pictures(англ.) . spacex.com. Архівавана з першакрыніцы 19 ліпеня 2009.
4. ↑ Sweet success at last for Falcon 1 rocket(англ.) . spaceflightnow.com (28 верасня 2008).
5. ↑ Musk ‘optimistic’ next Dragon flight will visit space station(англ.) . spaceflightnow.com (9 снежня 2010).
6. ↑ Kremer, Ken. Dragon Grappled and Berthed for History Making Docking at Station(англ.) , universetoday.com (2012 -05-25).
7. ↑ SES-8 Launch Updates(англ.)  (недаступная спасылка). spaceflight101.net. Архівавана з першакрыніцы 4 сакавіка 2016.
8. ↑ Falcon 9 увайшоў у гісторыю за гадзіну, kommersant.ru, 22 снежня 2015 г.
9. ↑ A Day to Remember - SpaceX Falcon 9 achieves first Booster Return to Onshore Landing(англ.) . spaceflight101.com (22 снежня 2015).
10. ↑ The Falcon 9 first stage landing is confirmed. Second stage continuing nominally.(англ.)  (22 снежня 2015).
11. ↑ Musk, Elon. Falcon 9 standing on LZ-1 at Cape Canaveral(англ.) , twitter.com (22 снежня 2015).
12. ↑ Шматразовая ступень Falcon 9 упершыню ў гісторыі паспяхова вярнулася на Зямлю(нявызн.), Сайт навін «Лента.Ру» (22 снежня 2015). Праверана 25 снежня 2015.
13. ↑ SpaceX The 1st stage of the Falcon 9 just landed on our Of Course I Still Love You droneship. Dragon in good orbit(англ.) . twitter.com (8 красавіка 2016).
14. ↑ nashaniva.by

Спасылкі

Афіцыйны сайт SpaceX

Тэмы гэтай старонкі (7):
Катэгорыя·Кампаніі паводле алфавіта
Катэгорыя·Старонкі з няправільным сінтаксісам спасылак на крыніцы
Катэгорыя·Касманаўтыка ЗША
Катэгорыя·Камерцыйны касмічны палёт
Катэгорыя·Кампаніі, заснаваныя ў 2002 годзе
Катэгорыя·Вікіпедыя·Кампаніі без геаграфічных каардынат
Катэгорыя·Вікіпедыя·Артыкулы з крыніцамі з Вікідадзеных