wd wp Пошук: ⬜

Sisu Auto

Sisu Auto — фінскі вытворца грузавых аўтамабіляў.

Гісторыя

Кампанія была заснавана 1 красавіка 1931 года. Дырэктарам кампаніі быў прызначаны Тор Несслінг.

У 1932 годзе былі вырабленыя першыя грузавікі Sisu мадэляў «S-321» і «S-322».

1944: завод Sisu быў пераведзены з Хельсінкі ў Кар’яа.

У чэрвені 1970 Тор Несслінг абвясціў аб сыходзе з пасады генеральнага дырэктара Suomen Autoteollisuus, пасля амаль чатырох дзесяцігоддзяў працы[1]. Новы кіраўнік дырэктар Эрык Гіллберг быў прызначаны ў лютым 1971 года[2].

У 1974 годзе акцыі Oy Suomen Autoteollisuus Ab пераходзяць у дзяржаўную ўласнасць.

У 1997 годзе было падпісана партнёрскае пагадненне з французскай кампаніяй Renault V.I.. Пагадненне ўключала набыццё кампанентаў, у тым ліку кабін, рухавікоў і восяў, а таксама імпарт і продаж камерцыйных аўтамабіляў Renault у Фінляндыі. У тым жа годзе Partek набыла кантрольны пакет акцый у Sisu.

У ліпені 2010 года Suomen Autoteollisuus Oy пераходзіць ва ўласнасць Олафа Эленіуса і Ціма Кархонена.

Са снежня 2010 года Sisu супрацоўнічае з Daimler AG. Такім чынам, на цяперашніх мадэлях усталёўваюцца перадачы і рухавікі Mercedes-Benz Actros.

Дзейнасць

Sisu спецыялізуецца на вытворчасці цяжкіх грузавых аўтамабіляў.

Sisu Auto Trucks

Аўтамабілі бягучага мадэльнага шэрагу Sisu Polar выпукаюцца з колавымі формуламі 6х2, 6х4, 8х2, 8х4, 10х2 і 10х4 ў розных выкананнях:

Sisu Crane — краны
Sisu Rock — самазвалы
Sisu Roll — аўтамабілі са зменнымі кузавамі
Sisu Timber — грузавікі для транспартавання бярвення
Sisu Works — камбінаваныя дарожныя машыны
Sisu Carrier — эвакуатары, аўтамабілі для перавозкі тэхнікі

Sisu Defence

Sisu 4×4
Sisu 6×6
Sisu 8×8
Sisu 10×10

Зноскі

↑ Herranen, Timo. Biografiakeskus – Vuorineuvos Tor Nessling (1901–1971)(нявызн.) . Helsinki, Finnland: Suomalaisen Kirjallisuuden Seura (5 верасня 2008).
↑ “Näin syntyi Sisu”. Sisuviesti (Oy Suomen Autoteollisuus Ab) (2): 4–11. 1981. http://www.sisua.net/gallery3/index.php/un-proto/Muita-kuvia/skannaus/sv4.

Спасылкі

www.sisuauto.com — афіцыйны сайт
www.sisudefence.com Архівавана 3 лютага 2014. — даччыная кампанія па вытворчасці тэхнікі вайсковага прызначэння