Nürnberg — беларускі пост-панк гурт, які выконвае песні выключна на беларускай мове. Заснаваны ў 2016 годзе.[1]
У звычайным жыцці Алег Савуцін працуе медыкам[2].
Удзельнікі гурта пазнаёміліся ў школе і ў асноўным выконвалі каверы. Аднак тэкст і музыка песні Žorstka, былі напісаны яшчэ ў 2013 годзе, калі яны былі ў адзінаццатым класе.
Першая дэма-версія была выпушчана ў жніўні 2017 года. У той час «Nürnberg» пачалі запісваць свой EP пад назвай «U nikudy», які быў выпушчаны 8 студзеня 2018 года[3]. 5 лістапада 2018 года гурт выпусціў дэбютны альбом — «Skryvaj»[4]. Nürnberg выступалі на фестывалях і канцэртах па ўсёй Беларусі, Польшчы, Расіі, Латвіі і Літве[5].
Партал Tuzin FM назваў гурт Nürnberg Адкрыццём 2018 года[6].
20 красавіка 2020 года «Nürnberg» выпусцілі другі альбом, пад назвай «Paharda».[7] Запіс, звядзенне і майстарынг альбома ажыццяўляў Раман Камагорцаў, гітарыст калектыву Molchat Doma[8].
1 студзеня 2021 года, часопіс Eatmusic напісаў, што гэты пост-панк калектыў заслугоўвае ўвагі.[8]
Назва гурта паходзіць ад горада Нюрнберг і звязана з гісторыяй каранацыі Вітаўта, вялікага князя Літоўскага[2]. Прызначаная на 8 верасня 1430 цырымонія не адбылася, паколькі палякі не прапусцілі дэлегацыю, якая везла вырабленыя ў Нюрнбергу кароны Вітаўта і яго жонкі Ульяны. У кастрычніку ў Вільні, Ягайла прапаноўваў кампраміс, дапускаў каранацыю, з тым, каб пасля яго смерці карона караля літоўскага адыходзіла б да аднаго з сыноў Ягайлы. Апошнія лісты Вітаўта сведчаць аб тым, што ён згаджаўся на такое рашэнне. Аднак яго імкненне стаць каралём не ажыццявіліся: Вітаўт раптам памёр 27 кастрычніка 1430 г. у Троках.