Monochamus sartor — від жукоў падсямейства Lamiinae сямейства Вусачы (Cerambycidae).
Жук даўжынёй ад 15 да 37 мм. Цела падоўжанае, цыліндрычнае, чорнага колеру. Пярэдняспінка з вострым бугарком па баках. Надкрылы ў грубай скульптуры, перад сярэдзінай з прагінам, іх вяршыні без густога валасянога апушэння. У самак маюцца светлыя валасяныя плямы на надкрыльях. Вусікі самца у два разы даўжэй цела, у самкі — толькі крыху заходзяць за надкрылья. Вусікі самкі са светлымі кольцамі на першай палове членікаў. Шчыток густа апушаны валасінкамі, без голай сярэдняй лініі.
Мае шырокае распаўсюджванне ў Еўропе; ад Францыі, Швейцарыі, поўначы Італіі і Румыніі праз Еўропу да Украіны.