wd wp Пошук: ⬜

Midnight Commander

«Midnight Commander» (mc, міднайт-камандэр, літаральна: «паўночны камандзір») — адзін з кансольных файлавых менеджараў для Unix-падобных аперацыйных сістэм, клон «Norton Commander» . Асноўны інтэрфейс складаецца з дзвюх панэляў, на якіх адлюстроўваецца файлавая сістэма.

«Midnight Commander» мае магчымасць прагляду зместу файлаў RPM-пакетаў, працуе з папулярнымі фарматамі архіваў, нібыта яны проста каталогі, а таксама можа працаваць як кліент FTP ці FISH. У «Midnight Commander» убудаваны рэдактар mcedit (але можна ўказаць і іншы). Сярод магчымасцяў mcedit ёсць падсвятленне сінтаксісу для розных моў, магчымасць работы ў рэжымах ASCII ці HEX.

«Midnight Commander» таксама можа пераймяноўваць групы файлаў. Гэта зручна пры маніпуляванні вялікімі групамі файлаў, напрыклад, каб узгадніць іх з новым спосабам наймення. «Midnight Commander» можа таксама перасоўваць файлы ў розныя каталогі і адначасова пераймяноўваць іх. Дазваляецца ўказваць уваходныя і выніковыя імёны файлаў з дапамогай падстаноўчых знакаў. Пры гэтым можна карыстацца рэгулярнымі выразамі. Акрамя таго, карыстальнік можа абіраць ці ўжываць магчымасць «shell patterns» (аўтаматычнае групаванне падстаноўчых знакаў).

«Midnight Commander» у цяперашні час уключаны ў большасць дыстрыбутываў Linux і мае пашыральнасць пад GNU General Public License.

mc даволі папулярны на Linux дзякуючы пабудове на гнуткіх тэкставых інтэрфейсах (Ncurses альбо S-lang), што дазваляе яму працаваць на звычайнай кансолі, у вакне X-тэрмінала, паверх SSH-злучэння і з усімі відамі аддаленых абалонак.

Магчымасці

свабоднае праграмнае забеспячэнне
магчымасць работы з рознымі архівамі, вобразамі ФС, сеткавымі ФС (Samba, FTP, SFTP)
мае магчымасць выконваць аперацыі капіявання і перасоўвання файлаў у фонавым рэжыме
убудаваны тэкставы рэдактар з падсвятленнем сінтаксісу
тэкставы рэжым, заснаваны на бібліятэках ncurses і S-Lang. Гэта дазваляе праграме працаваць як у кансолі, так і ў разнастайных эмулятарах тэрміналу і праз аддаленыя злучэнні, напрыклад, праз пратакол SSH
падтрымка шматмоўнага інтэрфейсу
падтрымка кадыровак UTF-8 (пачынаючы з 2009 года)

Зноскі

↑ The mc Open Source Project on Open Hub: Languages Page — 2006. Праверана 5 верасня 2018.

Спасылкі

На Вікісховішчы ёсць медыяфайлы па тэме Midnight Commander
Афіцыйны сайт
Сайт паралельнай галіны mc Архівавана 28 жніўня 2011. (не развіваецца з 2003 году)
GNU Midnight Commander для Windows (не развіваецца з 2003 году)
Comparison of file managers (англ.)
Усталёўка mc на Fedora/CentOS Linux (руск.)
Книга Linux для пользователя Архівавана 12 снежня 2012. — Глава 6. Программа Midnight Commander Архівавана 16 лютага 2013. (руск.)
Midnight Commander у дзеянні (руск.)
Некалькі парад па Midnight Commander (руск.)
Как надо правильно работать в Midnight Commander Архівавана 19 лістапада 2007. (руск.)
Основи роботи з „Міднайт Коммандером“ Архівавана 24 кастрычніка 2015. (укр.) (DLOU)
Офіційні довідка та керівництво щодо Midnight Commander (англ.) (руск.)