Loxosceles — род павукоў інфраатраду Araneomorphae з сямейства Sicariidae. Прадстаўнікі распаўсюджаныя ў цёплых рэгіёнах Старога і Новага Света. Найбольш актыўныя ў гарачыя летнія месяцы. Палююць ноччу, пераважна, на членістаногіх. Максімальны тэрмін жыцця самак — 7 гадоў. Род налічвае каля 100 відаў.
Яд небяспечны для чалавека: выклікае некроз значнага ўчастка скуры ў раёне ўкусу. Асноўны кампанент яду — сфінгаміеліназа D. Атручэнне ядам павука з роду Lохоsсеles характарызуецца гангрэнавым струпам на месцы ўкусу, млоснасцю, недамаганнем, ліхаманкай, гемолізам і трамбацытапеніяй. У большасці выпадкаў укус павука нязначны і абыходзіцца без некрозу, аднак у вялікіх дозах здольны справакаваць утварэнне некратычнай язвы, знішчаюць мяккую тканку. У дыяметры язва можа дасягаць 25 см і больш, а пасля гаення, якое займае 3-6 месяцаў, застаецца уціснуты рубец.