Lenovo Group Limited (联想集团有限公司) — кітайская камп’ютарная кампанія, на другі квартал 2014 займае першае месца ў пяцёрцы найбуйнейшых сусветных вытворцаў персанальных камп’ютараў (акрамя Lenovo ў пяцёрцы HP, Dell, Acer, Asus).
Зарэгістраваная ў Сінгапуры. Штаб-кватэра кампаніі Lenovo размешчана ў Перчэйзе (штат Нью-Ёрк, ЗША), а асноўныя аперацыйныя офісы — у Пекіне (КНР) і Рэйлі (ЗША, штат Паўночная Караліна). Асноўныя даследчыя цэнтры кампаніі размешчаны ў Ямата (Японія), у Пекіне, Шанхаі і Шэньчжэне (КНР), а таксама ў Рэйлі (штат Паўночная Караліна, ЗША).
На 2014 год у калектыве кампаніі больш 46000 супрацоўнікаў (з улікам сумесных прадпрыемстваў) з больш чым 60 краін. Кампанія абслугоўвае кліентаў у больш чым 160 краінах свету.