Holden — аўстралійскі вытворца аўтамабіляў, першапачаткова незалежны, цяпер аддзяленне General Motors.
Джэймс Аляксандр Холдэн іміграваў у Паўднёвую Аўстралію з Англіі ў 1852 і ў 1856 утварыў фірму J.A Holden and Co, у Адэлаідзе. 1905 Эдвард Вівал Холдэн, сын Джэймса, увайшоў у справу цікавячыся аўтамабілямі. Фірма развілася праз партнёраў і ў 1908, Holden і Frost пачалі выпуск запчастак для аўтамабіляў. 1913 фірма вырабляла калыскі для матацыклаў. З 1917 гандлёвыя памежнасці, прывялі да ўтварэння новай кампаніі ў 1919 Holden’s Motor Body Builders Ltd (HMBB). Тады Holden усталёўваў свае кузавы на імпартуемыя шасі, для Chevrolet. У 1931 General Motors купіў бізнес і сфармаваў General Motors-Holden’s Ltd. У 1998 быў пераназваны Holden Ltd і ў траўні 2005, стаў вядомы як GM Holden Ltd.
20 кастрычніка 2017 гады з канвеера прадпрыемства GM Holden у мястэчку Элізабэт(англ.) бел. (прыгарад Адэлаіды) сышоў апошні аўтамабіль. За ўвесь час было пабудавана 7 687 675 аўтамабіляў. Апошняй сабранай машынай стаў седан Holden Commodore з кузавам чырвонага колеру[1]. З закрыццём заводаў на тэрыторыі Аўстраліі кампанія Holden не была зачынена. Пад маркай Holden працягваецца рэалізацыя машын канцэрна GM, імпартуемых у Аўстралію. У складзе кампаніі застаюцца падраздзялення, якія займаюцца адаптацыяй аўтамабіляў да ўмоў аўстралійскага рынку: навукова-даследчы цэнтр, дызайн-студыя і выпрабавальны палігон.
У лютым 2020 года было абвешчана, што марка Holden будзе ліквідаваная[2]. Гэта звязана з тым, што General Motors для аптымізацыі бізнесу плануе сысці з усіх рынкаў праварульных аўтамабіляў. Прынята рашэнне аб закрыцці ўсіх падраздзяленняў: National Sales Company, GM Holden Engineering, GM Design Australia, Holden Financial Services і Maven Australia. Плануецца, што да 2021 года марку канчаткова ліквідуюць, спыняцца продажы і ўсе працы па дызайне і інжынірынгу.