AB Electrolux — шведская машынабудаўнічая кампанія, адзін з вядучых сусветных вытворцаў электрычных і газавых прыбораў для хатніх і прафесійных патрэб. Штогод кампанія прадае больш за 40 мільёнаў сваіх вырабаў спажыўцам з 150 краін. Штаб-кватэра — у Стакгольме.
Кампанію заснаваў у Стакгольме ў 1910 Аксель Венер-Грэн пад назвай Elektromekaniska AB. У 1912 годзе пачынаецца супрацоўніцтва Elektromekaniska AB з кампаніяй AB Lux (Стакгольм, Швецыя), якая вырабляе з 1901 года вулічныя газавыя лямпы пад маркай Lux. Тады ж (у 1912 годзе) кампанія запускае вытворчасць першага бытавога пыласоса (мадэль Lux 1).
У 1919 годзе пасля зліцця з AB Lux назву кампаніі мяняецца на Elektrolux AB, напісанне якой будзе зменена на сучаснае Electrolux толькі ў 1957 годзе.