Dictyophara europaea — від раўнакрылых насякомых з сямейства Dictyopharidae.
Даўжыня цела ад 9 да 13 мм. Афарбоўка цела светла-зялёнага колеру. Галава мае канічную форму. Лічынкі (німфы) падобныя на дарослых насякомых афарбоўкай, будовай і формай галавы.
Поліфаг. Самка адкладае па адным яйку ў зямлю. Імага з’яўляюцца ў Цэнтральнай Еўропе з сярэдзіны ліпеня да сярэдзіны кастрычніка. Наскомыя здольныя скакаць да 1 метра ў вышыню і 1 метр у даўжыню, пры гэтым іх хуткасць дасягае 4 метраў у секунду. Унутрывідавыя зносіны адбываюцца з дапамогай вібруючых сігналаў[1].
Від распаўсюджаны ў Міжземнамор’і, у Паўночнай Афрыцы і Паўднёвай Еўропе, на поўдні Цэнтральнай Еўропы, на ўсход да Турцыі, Ірана, поўдня Расіі і Цэнтральнай Азіі да поўначы Кітая[2].