Cradle of Filth (з англ. — «Калыска мярзоты») — англійскі метал-гурт, заснаваны Дэні Філтам у 1991 годзе. Стыль гурта змяняўся ад альбома да альбома, але ў сярэднім уяўляе сабою сумесь сімфанічнага блэк-метала і готык-метала. Лірыка і вобразы Cradle of Filth знаходзяцца пад моцным уплывам гатычнай літаратуры, паэзіі, фільмаў жахаў і містыкі: гурт часта прысвячае песні вампірам, злавесным гістарычным фігурам і змрочнай эротыцы. Музыкі выступаюць у сцэнічных гарнітурах, корпспейнце і іншым падобным грыме, выкарыстоўваюць на канцэртах дэкарацыі ў стылі жахаў.