BMW Dixi
BMW Dixi.jpg)
BMW Dixi на Вікісховішчы
Агульныя даныя
| Вытворца: | Bayerische Motoren Werke AG |
| Выпуск: | 1928—1931 |
| Зборка: |  Веймарская рэспубліка |
| Звязаныя: | Austin 7 |
Dixi– першы легкавы аўтамабіль, зроблены нямецкай кампаніяй БМВ.
Гісторыя
Dixi быў брэндам аўтамабіляў Automobilwerk Eisenach (Айзенахскі аўтамабільны завод), пачынаючы з 1904 года. У складаных эканамічных умовах 1920-х гадоў кампаніі было цяжка прадаваць свае мадэлі 6/24 і 9/40. Таму вытворца вырашыў увайсці на рынак малых аўтамабіляў, і ў 1927 годзе падпісаў ліцэнзійнае пагадненне з Austin Motor Company на вытворчасць варыянта Austin 7. Была ўзгоднена гадавая вытворчасць у колькасці 2000 машын, і Dixi заплацілі Осціну роялці за кожны аўтамабіль.
Першыя 100 аўтамабіляў былі пастаўлены Осцінам у выглядзе машынакамплектаў, і ўжо ў снежні 1927 года першы з афіцыйных аўтамабіляў вытворчасці Дыксі, DA-1 3/15PS, зышоў з вытворчай лініі. Скарачэнне DA абазначала Deutsche Ausführung, што перакладаецца як Нямецкая версія; лічбы 3/15 паказвалі ўзровень падаткаабкладання і колькасць конскіх сіл. Акрамя таго, што ён быў з левым рулём і быў сабраны з дапамогай метрычнага крапяжу, аўтамабіль быў амаль ідэнтычны Austin. Былі даступныя купэ, родстар, турынг, і седан з некалькімі шасі, якія збіраліся знешнімі вытворцамі кузаваў. Большасць машын пакінулі фабрыку ў кузаве турынг.
Жадаючы пачаць вытворчасць аўтамабіляў, BMW набылі Automobilwerk Eisenach ў 1928 годзе і з ім права на вытворчасць машын Dixi. Напачатку аўтамабілі выпускаліся пад маркай BMW Dixi, але ў 1929 годзе назва Dixi была прыбрана, калі DA-1 быў заменены на злёгку абноўленую версію, аўтамабіль BMW 3/15 DA-2.
- Dixi DA-1 4 цыл., 15 к. с., 1927–1929
Спасылкі
- Werner, Oswald (1978). Deutsche Autos 1920–1945. Stuttgart: Motorbuch-Verlag. ISBN 3-87943-519-7.
Катэгорыя·Аўтамабілі 1930-х
Катэгорыя·Аўтамабілі 1920-х
Катэгорыя·Заднепрывадныя аўтамабілі
Катэгорыя·Аўтамабілі BMW
Катэгорыя·Аўтамабілі, прадстаўленыя ў 1928
Катэгорыя·Аўтамабілі паводле алфавіта