Arp 230 (таксама IC 51, ці PGC 2710) — лінзападобная галактыка ў сузор’і Кіта на поўдзень ад экліптыкі, аддаленая ад Сонечнай сістэмы прыкладна на 80 мільёнаў светлавых гадоў[1].
Адкрыта 30 жніўня 1892 года Стэфанам Жавелам у абсерваторыі Ніцы[ru] з дапамогай на той час самага вялікага ў свеце рэфрактара, а пазней унесена ў Індэксны каталог[2][3].
Пазней галактыка была ўключана Хэлтанам Арпам[ru] у яго Атлас пекулярных (незвычайных) галактык[ru] з прычыны яе незвычайнай кальцавой структуры, якую можна разглядзець цераз касмічны тэлескоп Хабл[4][5]. Яе больш дакладная класіфікацыя, як «добрага кандыдата ў галактыкі з палярным кальцом[ru]», была апублікавана ў пачатку 1990-х гадоў[6].
Мяркуецца, што галактыка мае палярнае кальцо[ru] і ўтварылася ў выніку сутыкнення дзвюх галактык[ru], якія зараз праходзяць апошнюю фазу зліцця ў адну галактыку[1]. Знешняе кальцо вакол IC 51 складаецца з зорак і пылу і круціцца над полюсамі галактыкі. Астраномы лічаць, што арбіта меншай з галактык, якія ўтварылі IC 51, праходзіла перпендыкулярна дыску большай галактыкі. У ходзе зліцця меншая галактыка была разарвана і ўтварыла палярнае кальцо[7].
| ◄ IC 47 | IC 48 | IC 49 | IC 50 | IC 51 | IC 52 | IC 53 | IC 54 | IC 55 ► |
