Acrolepiopsis assectella — матылёк з сямейства Acrolepiidae.
Матылёк — размах крылаў 12-15 мм. Яйкі авальныя, малочнага колеру. Вусені апошняга ўзросту даўжынёй 10-11 мм, жаўтлява-зялёныя з карычневымі бародаўкамі. Кукалка цёмна-карычневая.
Зімуюць кукалкі або матылькі ў глебе пад расліннымі рэшткамі. Вясной матылі адкладаюць адзінкавыя яйкі на ніжні бок лісця цыбулі, на шыйку цыбуліны, кветкавыя стрэлкі. Развіццё вусеняў доўжыцца 12-16 дзён. Акукліванне адбываецца на кармавой расліне або ўнутры ліста. Кукалка развіваецца 9-15 дзён. На працягу года шкоднік дае два-тры пакаленні.