Яўген Яфімавіч Савасценка (15 студзеня 1932, в. Стаўбун, Беларуская ССР, цяпер Веткаўскі раён, Гомельская вобласць, Беларусь — 13 лютага 1994) — беларускі савецкі дзяржаўны і партыйны дзеяч.
У 1954 годзе скончыў Маскоўскі педагагічны інстытут. Працаваў у партыйных, савецкіх і гаспадарчых органах Гомельскай вобласці.
З 1966 па 1967 гады старшыня Светлагорскага раённага выканаўчага камітэта.
У 1978—1983 гадах быў першым сакратаром Гомельскага гаркама КПБ.
У 1970 годзе скончыў Беларускі політэхнічны інстытут, а ў 1982 годзе — Маскоўскую акадэмію грамадскіх навук.