У Вікіпедыі ёсць артыкулы пра іншых асоб з прозвішчам Чарвякоў. Яўген Трафімавіч Чарвякоў (24 студзеня 1925, г. п. Шуміліна — 30 мая 2016[1]) — беларускі працаўнік чыгункі, Герой Сацыялістычнай Працы (1976).
Працоўную дзейнасць пачаў у 1942 годзе памочнікам машыніста паравоза ў лакаматыўным дэпо Арэнбург. З кастрычніка 1943 года — у франтавой калоне № 96 асобага рэзерва НКПС на другім і 4-м Украінскіх франтах, затым да 1947 года — на Омскай чыгунцы.
З 1947 года — у лакаматыўным дэпо Віцебск (памочнік машыніста паравоза, машыніст паравоза і цеплавоза, а з 1976 года — машыніст-інструктар).
Выбіраўся дэлегатам XXIV і XXVI з’ездаў КПСС.
Звання Героя Сацыялістычнай Працы ўдастоены 5 сакавіка 1976 года за поспехі ў выкананні заданняў 9-й пяцігодкі[2].