wd wp Пошук: ⬜

Яўген Трафімавіч Чарвякоў

У Вікіпедыі ёсць артыкулы пра іншых асоб з прозвішчам Чарвякоў. Яўген Трафімавіч Чарвякоў (24 студзеня 1925, г. п. Шуміліна — 30 мая 2016 [1]) — беларускі працаўнік чыгункі, Герой Сацыялістычнай Працы (1976).

Біяграфія

Працоўную дзейнасць пачаў у 1942 годзе памочнікам машыніста паравоза ў лакаматыўным дэпо Арэнбург. З кастрычніка 1943 года — у франтавой калоне № 96 асобага рэзерва НКПС на другім і 4-м Украінскіх франтах, затым да 1947 года — на Омскай чыгунцы.

З 1947 года — у лакаматыўным дэпо Віцебск (памочнік машыніста паравоза, машыніст паравоза і цеплавоза, а з 1976 года — машыніст-інструктар).

Выбіраўся дэлегатам XXIV і XXVI з’ездаў КПСС.

Звання Героя Сацыялістычнай Працы ўдастоены 5 сакавіка 1976 года за поспехі ў выкананні заданняў 9-й пяцігодкі[2].

Узнагароды

Герой Сацыялістычнай Працы (1976).
Ордэн Леніна (03.05.1976)
Ордэн Працоўнага Чырвонага Сцяга (05.04.1971)
Медаль «За працоўную адзнаку» (08.01.1953)
Медаль «За доблесную працу ў Вялікай Айчыннай вайне 1941—1945 гг.»
«Выдатны работнік Беларускай чыгункі»
«Ганаровы чыгуначнік» (1971)

Зноскі

Літаратура

Евгений Трофимович Червяков // Память : историко-документальная хроника Шумилинского района / редкол.: И. П. Шамякин [и др.]. — Мн., 1985. — С. 512.