wd wp Пошук:

Яўген Святаполк-Мірскі

У Вікіпедыі ёсць артыкулы пра іншых асоб з прозвішчам Святаполк-Мірскі. Айцец Яўге́н Святапо́лк-Мі́рскі (польск.: Eugeniusz Światopełk-Mirski), свецкае імя Лявон[1] (3 красавіка 1876[2] — 28 лютага 1918, Магілёў) — каталіцкі святар.

Біяграфія

Нарадзіўся ў 1876 годзе ў шляхецкай сям’і Святаполк-Мірскіх. Пачатковую адукацыю атрымаў дома, пэўны час навучаўся ў прыватнай сямікласай рэальнай вучылішча ў Санкт-Пецярбургу. У 1891 годзе паступіў у Магілёўскую рымска-каталіцкую духоўную семінарыю ў Пецярбургу[3] (скончыў у 1896). Рукапакладзены ў святары ў 1906 годзе магілёўскім дапаможным біскупам Францішкам Альбінам Сыманам[pl].

У 1902—1904 гадах працаваў вікарным святаром у Табольску, у 1903 пераведзены ў Краснаярск[4]. З 1906 — выкладчык катэхізісу ў гімназіях Гомелю, з 1910 — зноў у Краснаярску. З 1912 года быў выкладчыкам у дзявочай французскай гімназіі ў Пецярбургу. У тым жа годзе пераведзены ў Магілёў, дзе стаў настаяцелем кафедры і дэканам.

8 лютага 1918 года па загаду народных камісараў Магілёву Аронава, Гольдмана і Гольдберга арыштаваны бальшавікамі і абвінавачаны ў контррэвалюцыйнай дзейнасці, дапамозе польскім войскам, прыналежнасці да ПВА і ўкрывальніцтве польскіх салдат. 28 лютага старшыня Магілёўскага губернскага выканкама Савета рабочых, салдацкіх і сялянскіх дэпутатаў Міхаіл Гольдман перадаў ксяндза рэвалюцыйнаму трыбуналу, які прысудзіў Святаполк-Мірскага да НМП. У час вынясення прысуду прысутныя парафіяне ўзнялі верхал і паспрабавалі адбіць святара, у адказ салдаты адкрылі вагонь, забіўшы і параніўшы некалькі чалавек. Святара і яшчэ двух затрыманых тады ж вывезлі па-за горад і пасля катаванняў расстралялі. Існуе паданне, як перад расстрэлам бальшавікі патрабавалі, каб ксёндз адрокся ад веры, на што той адказаў: «Цела забіць можаце, але душу не заб’яце»[5].

Наступнага дня цела святара было выяўленае з пяццю вагняпальнымі і чатырма нажавымі ранамі, разбітай галавою і зламанымі рукамі. Улады забаранілі адпяванне, дазволіўшы толькі захаваць цела на месцы расстрэлу. Пасля ўваходу ў Магілёў польскага войска генерала Юзафа Доўбар-Мусніцкага цела было перапахавана на мясцовых каталіцкіх могілках.

У кафедральным касцёле Святога Станіслава ўстаноўлена мемарыяльная дошка ў памяць аб святарах-пакутніках, сярод якіх згадваецца і Святаполк-Мірскі[6].

Зноскі

  1. Дом ксёндза(руск.) . Викизнание (17 студзеня 2014). Праверана 28 лютага 2018.
  2. M.J. Minakowski.. Eugeniusz Światopełk-Mirski h. Białynia (odm.)(польск.) . Genealogia potomków Sejmu Wielkiego. Праверана 28 лютага 2018.
  3. Гришанова, Людмила. Расстрелян с чётками в руках(руск.)  (недаступная спасылка). Могилёвская правда (31 жніўня 2016). Архівавана з першакрыніцы 30 красавіка 2019. Праверана 28 лютага 2018.
  4. Панич, Светлана. Хроника прихода(руск.)  (недаступная спасылка). Римско-католический приход Преображения Господня г. Красноярск. Архівавана з першакрыніцы 30 красавіка 2019. Праверана 28 лютага 2018.
  5. «Закладнік бальшавікоў». 100 гадоў таму ў Магілёве забілі ксяндза Яўгена Сьвятаполк-Мірскага
  6. «Закладнік бальшавікоў». 100 гадоў таму ў Магілёве забілі ксяндза Яўгена Сьвятаполк-Мірскага

Літаратура

Спасылкі

Тэмы гэтай старонкі (14):
Катэгорыя·Вікіпедыя·Старонкі з неадназначнымі геаланцужкамі
Катэгорыя·Вікіпедыя·Артыкулы пра рэлігійных дзеячаў без партрэтаў
Катэгорыя·Рэлігійныя дзеячы Беларусі
Катэгорыя·Асобы
Катэгорыя·Выпускнікі Санкт-Пецярбургскай Рымска-каталіцкай семінарыі
Катэгорыя·Памерлі 28 лютага
Катэгорыя·Пахаваныя на Польскіх могілках (Магілёў)
Катэгорыя·Святаполк-Мірскія
Катэгорыя·Рэпрэсаваныя савецкай уладай
Катэгорыя·Памерлі ў 1918 годзе
Катэгорыя·Нарадзіліся ў 1876 годзе
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Памерлі ў Магілёве
Катэгорыя·Нарадзіліся 3 красавіка