Яўген Аляксандравіч Тамашчык (нар. 15 верасня 1933, в. Карпаўцы, Бераставіцкі раён, Гродзенская вобласць) — беларускі вучоны ў галіне хірургіі, рэфлексатэрапіі. Доктар медыцынскіх навук (1990), прафесар (1991). Заснавальнік навуковай школы «Медыцынская рэабілітацыя».
Скончыў Казахскі дзяржаўны медыцынскі інстытут, г. Алма-Ата (1960).
Працаваў у Гродзенскай гарадской бальніцы № 2 (1964—1965, хірург); Гродзенскай гарадской бальніцы № 1 (1965—1968, хірург); Гродзенскім дзяржаўным медыцынскім універсітэце (1970—2004; кафедра агульнай хірургіі, у 1988—1990 — дацэнт; у 1990—1997 — загадчык кафедры немедыкаментознай тэрапіі і рэабілітацыі, у 1997—2004 — прафесар).
Навуковыя інтарэсы: рэфлексатэрапія; павышэнне натуральнай аховы арганізма і выкарыстанне акупунктуры ў лячэнні, рэабілітацыі і прафілактыцы рэцыдываў розных захворванняў.