Яўген Іванавіч Шапашнікаў (3 лютага 1942, хутар Вялікі Лог, Аксайскі раён, Растоўская вобласць, РСФСР, СССР — 8 снежня 2020) — савецкі і расійскі ваеначальнік, маршал авіяцыі (1991), апошні міністр абароны СССР (жнівень 1991 — люты 1992). Член ЦК КПСС (1990—1991).
Быў міністрам абароны СССР са жніўня 1991 года да моманту яго распаду. На гэтую пасаду ён быў прызначаны пасля правалу ГКЧП замест Дзмітрыя Язава, які прымаў удзел у путчы. Падчас путчу Шапашнікаў займаў тады пасаду камандуючага ВПС і пераканаў Язава ў неабходнасці вываду войскаў з Масквы, каб пазбегнуць ахвяр. Апошні (паводле даты) у гісторыі СССР, каму прысвоена воінскае званне, у якім ёсць слова «маршал».
У 1990-я Яўген Шапашнікаў працаваў генеральным дырэктарам «Аэрафлота», а затым — памочнікам Прэзідэнта Расіі. З 2003 года ён уваходзіў у кіраўніцтва «АКБ Сухога».