Ясуа Куніёсі (яп. 国吉康雄); 1 верасня 1893, Акаяма — 14 мая 1953, Нью-Ёрк) — амерыканскі мастак, графік і фатограф японскага паходжання.
Ясуа Куніёсі прыехаў у ЗША ў 1906 годзе. У наступныя гады вучыўся ў Лос-Анджэлескай Школе мастацтваў і дызайну. У 1935 годзе быў удастоены стыпендыі фонду Гугенхайма. Затым вучыўся на курсах Студэнцкай мастацкай лігі ў Нью-Ёрку і ў Вудстоку.
Выкладаў у Лізе студэнтаў-мастакоў Нью-Ёрка. Сярод яго вучняў былі Нан Лур’е, Айрын Кругман і Эн Хеліёф. Вядомы сваімі нацюрмортамі, карцінамі «ню» і палотнамі, якія паказваюць цыркавыя сцэнкі і жыццё артыстаў цырка. Спектр інтарэсаў Куніёсі быў даволі шырокім — ад сюррэалізму і да рэалістычнага мастацтва.