Ярамір Аляксандравіч Печкін
У Вікіпедыі ёсць артыкулы пра іншых асоб з прозвішчам Печкін. Ярамір Аляксандравіч Печкін (5 мая 1926, г. Ленінград − 17 чэрвеня 1976) — беларускі скульптар і архітэктар.
Біяграфія
Вучыўся ў 1943—1945 гадах у Казанскім мастацкім вучылішчы, у 1952 годзе скончыў архітэктурнае аддзяленне Інстытута жывапісу, скульптуры і архітэктуры імя І. Рэпіна ў Ленінградзе. Дыпломная праца — праект будынка мастацкага інстытута ў Маскве. У 1954—1957 гадах выкладаў у Беларускім політэхнічным інстытуце[1].
Удзельнік мастацкіх выставак з 1960 года. Член Беларускага саюза мастакоў з 1958 года.
Творчасць
Працаваў у манументальнай скульптуры і архітэктуры. Асноўныя творы: абеліск у гонар вызвалення г. Жлобіна ад нямецка-фашысцкіх захопнікаў; скульптурная група «Марыя і Антаніна Лузгіны — обальскія камсамолкі-падпольшчыцы» (1965); фрыз і барэльеф «Партызаны» ў кінатэатры «Партызан» у г. Мінску (1967); рэльеф на помніку партызанам (1967—1968; архітэктар Ю. Шпіт) і скульптурная група «Плыўцы» ў пансіянаце на возеры Нарач; афармленне інтэр’ера рэстарана «Каменная кветка» ў г. Мінску (у сааўтарстве з Б. А. Няпомняшчым); партрэты М. Бакланава і С. Баткоўскага; медальёны «Вызваленне Мінска», «Абаронцы Брэсцкай крэпасці», «Манумент героям Айчыннай вайны» і іншыя[1]. Творы знаходзяцца ў Нацыянальным мастацкім музеі Беларусі, фондах БСМ.
Зноскі
Літаратура
- Печкін Ярамір Аляксандравіч // Беларускі саюз мастакоў, 1938-1998 = Belarussian union of artists, 1938-1998 : Энцыкл. давед. / Аўт.-склад.: Б.А.Крэпак і інш.. — Мн.: ВТАА «Кавалер Паблішерс», 1998. — 663 с. — 3 000 экз. — ISBN 985-6427-09-6.
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Памерлі 17 чэрвеня
Катэгорыя·Памерлі ў 1976 годзе
Катэгорыя·Выпускнікі Інстытута імя Рэпіна
Катэгорыя·Нарадзіліся ў Санкт-Пецярбургу
Катэгорыя·Асобы
Катэгорыя·Скульптары Беларусі
Катэгорыя·Нарадзіліся 5 мая
Катэгорыя·Выкладчыкі БНТУ
Катэгорыя·Члены Саюза мастакоў Беларусі
Катэгорыя·Артыкулы пра мастакоў без ілюстрацый на Вікісховішчы
Катэгорыя·Нарадзіліся ў 1926 годзе
Катэгорыя·Скульптары XX стагоддзя
Катэгорыя·Мастакі паводле алфавіта