Япі (англ.: Yuppie, ад англ.: young urban professionals — маладыя гарадскія прафесіяналы) — спачатку словам «япі» называлася толькі высокапрафесійная тэхнічная эліта, якая мела высокія заробкі. З 1980-х г. да ліку япі традыцыйна адносяць прадстаўнікоў моладзевага руху, якія вызначаюцца дзелавітасцю, імкненнем да матэрыяльнага поспеху, сацыяльным і палітычным кар’ерызмам, дастаткова высокім адукацыйным узроўнем.