wd wp Пошук: ⬜

Ян Франкевіч

У Вікіпедыі ёсць артыкулы пра іншых асоб з прозвішчам Франкевіч.

Ян Франке́віч (1559—1627) — архітэктар ранняга барока ў Вялікім Княстве Літоўскім з Менска. Вучань і пераемнік Бернардоні.

Біяграфія

Ураджэнец Менска. Франкевіч, гарбар па прафесіі, у 1592 годзе ўступіў у ордэн езуітаў. Некаторы час жыў у кляштары ў Рызе. З 1594 года працаваў у Нясвіжы спачатку кухарам, а пасля памочнікам славутага італьянскага архітэктара Яна Бернардоні. У далейшым працаваў як самастойны архітэктар, у тым ліку ўзвёў на Ратушнай плошчы ў Вільні касцёл Св. Казіміра.

Творы

Фарны касцёл у Нясвіжы (завяршальныя працы пасля 1599)
Калегіум езуітаў у Нясвіжы
Касцёл Святога Казіміра ў Вільні (1604—1616)
Касцёл Святога Яна ў Вільні (аднаўленчыя працы)
Царква Святога Духа ў Вільні

Спасылкі

На Вікісховішчы ёсць медыяфайлы па тэме Ян Франкевіч
Хто будаваў Вільню? Архівавана 5 сакавіка 2016. Радыё «Свабода»