wd wp Пошук:
    ⬜

    Ян Самуэль Бекер

    У Вікіпедыі ёсць артыкулы пра іншых асоб з прозвішчам Бекер.

    Ян Самуэль Бекер — саксонскі архітэктар 2-й паловы XVIII стагоддзя[1], вучань Яна Зігмунта Дэйбля. Працаваў у князёў Сапегаў.

    Біяграфія

    Нарадзіўся на пачатку 1730-х у Саксоніі. Магчыма, навучаўся ў майстэрні дрэздэнскага архітэктара І. К. Кнёфеля(ням.) бел., пасля якой быў прыняты ў Саксонскі будаўнічы дэпартамент.

    У сярэдзіне XVIII стагоддзя з’явіўся ў ВКЛ. З 60-х гадоў працаваў у князёў Сапегаў[2].

    Паводле інвентара 1793 года вядома, што за Бекерам лічылася аднапавярховая драўляная хата ў Ружанах, а апошняе дакументальнае пацверджанне яго пражывання тут датавана 1808 годам. Апошнія пенсійныя выплаты здзейсненыя ў Мінску, дзе, магчыма, і памёр дойлід.

    Творчасць

    Пабудаваў палац у в. Дзярэчын Зэльвенскага раёна (1786—87, сумесна з архітэктарам Л. Гуцэвічам), займаўся перабудовай палацавага комплексу (1784-86), Ружанскага Троіцкага касцёла дамініканцаў, Ружанскай Петрапаўлаўскай царквы базыльянаў і пабудова корпуса кляштара пры ёй (усе ў г. п. Ружаны Пружанскага раёна)[1][3]. За сваю працу над палацам архітэктар атрымаў ад Сапегаў пажыццёвую пенсію ў 2160, а пасля ў 2520 злотых[4].

    Сярод яго іншых прац касцёл Св. Станіслава(літ.) бел. ў Няміраве(польск.) бел.. Акрамя праекта перабудовы ружанскіх уладанняў Сапегаў, захаваліся таксама і праекты для іх уладанняў у Вільні, Высокім, Дзярэчыне, Крыстыянпалі[5]. Дзякуючы Самуэлю Бекеру палацава-паркавае мастацтва на Беларусі дасягнула якаснага еўрапейскага ўзроўня, а яго творы сталі ўзорам беларускага класіцызму[6].

    Зноскі

    1. 1 2 Беккер Ян Самуэль // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 48. — 737 с.
    2. ↑ Dzien trzeci w Rozanach. Праверана 31 мая 2012.
    3. ↑ БЕКЕР Ян Самуэль
    4. ↑ История Ружан (XVIII в.) (руск.) . Праверана 31 мая 2012.
    5. ↑ Вёска Крыстыянпаль знаходзілася, па словах былога дырэктара Пружанскага палацыка Руслана Кнігі, кіламетрах у двух ад Ружан і была спаленая падчас Вялікай Айчыннай вайны гітлераўцамі ў ліку іншых вёсак Пружаншчыны. - В поисках Юзефа Крашевского. Записки журналиста Руслана Гусева (руск.)
    6. ↑ Ірына Мароз. Прыдворны архітэктар // Дзедзіч. — люты 2012. — № 2, 71. — С. 9.

    Літаратура

    Тэмы гэтай старонкі (14):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Памерлі ў Мінску
    Катэгорыя·Архітэктары паводле алфавіта
    Катэгорыя·Вікіпедыя·Шаблон «Вонкавыя спасылкі» пусты
    Катэгорыя·Нарадзіліся ў Германіі
    Катэгорыя·Вікіпедыя·Запыты на пераклад з польскай
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Артыкулы пра архітэктараў без месца працы
    Катэгорыя·Нарадзіліся ў Саксоніі
    Катэгорыя·Архітэктары Беларусі
    Катэгорыя·Нарадзіліся ў 1730-я гады
    Катэгорыя·Архітэктары Германіі
    Катэгорыя·Асобы
    Катэгорыя·Артыкулы пра архітэктараў без партрэтаў