Ян Галоўчынскі (каля 1570—1630) — вялікалітоўскі дзяржаўны дзеяч.
Уладальнік Галоўчына і Езна. У 1621—1622 гадах вадзіў гусарскую харугву супраць шведаў, вялікі чашнік літоўскі (з 1624).
Сын менскага кашталяна Шчаснага Галоўчынскага і яго жонкі Гальшкі з Хадкевічаў, дачкі віленскага кашталяна Гераніма Хадкевіча. Быў жанаты з Аленай з Валовічаў, дачкой вялікага літоўскага чашніка Пятра Валовіча, але дзяцей не меў. Пасля смерці Яна Галоўчынскага Алена выйшла паўторна замуж за Крыштафа Патоцкага, які такім чынам набыў Галоўчын і іншыя маёнткі Галоўчынскіх.