wd wp Пошук: ⬜

Януш Куртыка

Я́нуш Курты́ка (польск.: Janusz Kurtyka; 13 жніўня 1960, Кракаў — 10 красавіка 2010, пад Смаленскам) — польскі гісторык, кіраўнік Інстытута нацыянальнай памяці (2005—2010). Доктар габілітаваны гістарычных навук (2000).

Біяграфія

Скончыў гістарычна-філасофскі факультэт Ягелонскага ўніверсітэта. Дзейнічаў у Незалежным згуртаванні студэнтаў і Салідарнасці, быў выкладчыкам у вышэйшых школах. Цікавіўся генеалогіяй, гісторыяй Сярэднявечча. Апублікаваў больш за 140 навуковых прац і артыкулаў.[3]

29 снежня 2005 года быў абраны кіраўніком Інстытута нацыянальнай памяці — установы, якая займаецца дакументаваннем злачынстваў камуністычнай сістэмы ў Польшчы. 7 красавіка 2009 года ўзнагароджаны Крыжам камандорскім з зоркай ордэна Адраджэння Польшчы.

Загінуў 10 красавіка 2010 года ў авіякатастрофе пад Смаленскам.

16 красавіка 2010 года пасмертна ўзнагароджаны Крыжам вялікім ордэна Адраджэння Польшчы [4].

Выбраныя публікацыі

Konspiracja i opór społeczny na Podkarpaciu w okresie PRL (red.), 2007,
Odrodzone królestwo. Monarchia Władysława Łokietka i Kazimierza Wielkiego w świetle nowszych badań, 2001,
Latyfundium tęczyńskie. Dobra i właściciele (XIV—XVII wiek), 1999,
Tęczyńscy. Studium z dziejów polskiej elity możnowładczej w średniowieczu, 1997,
Generał Leopold Okulicki «Niedźwiadek» (1898—1946), 1989.

Зноскі

1 2 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #103636846 // Агульны нарматыўны кантроль — 2012—2016. Праверана 26 красавіка 2014.
1 2 Janusz Marek Kurtyka // Internetowy Polski Słownik Biograficzny
↑ Яны загінулі пад Катынню // Радыё Свабода, 12 красавіка 2010
↑ Komunikat Nr 163/VI kad. (польск.)

Спасылкі

На Вікісховішчы ёсць медыяфайлы па тэме Януш Куртыка
dr hab. Janusz Marek Kurtyka (польск.)