Ямскі рынак (руск.: Ямской рынок) — рынак у Санкт-Пецярбургу. Размешчаны ў Цэнтральным раёне на вуліцы Марата, 53.
Ямскі рынак паміж вуліцамі Марата, Баравой і Раз’езджай быў пабудаваны ў 1817—1819 гадах па праекце архітэктара Васіля Стасава. Тут існавала 28 крам, якія, пераважна, гандлявалі мясам (таму рынак часам называлі Мясным).
У пачатку 1960-х гадоў у будынку рынку быў адкрыты камісійны мэблевы магазін.