Як-130
Як-130 (па кадыфікацыі НАТА: Mitten — рукавіца) — расійскі вучэбна-баевы самалёт, распрацаваны ВКБ імя Якаўлева сумесна з італьянскай кампаніяй Aermacchi (на заключным этапе распрацоўкі італьянская фірма, якая выйшла з праекта, атрымала ўвесь канструктарска-тэхнічны дакумент на планер і выпусціла свой самалет M-346; ВКБ імя Якаўлева працягнула распрацоўку без партнёраў), для замены ў Ваенна-паветраных сілах Расіі вучэбна-трэніровачных самалётаў L-39.
Задачы
У задачы самалёта ўваходзіць навучанне курсантаў лётных вучэльняў: ўзлёт-пасадка, пілатавання, рух, выкананне складаных манеўраў, набыццё навыкаў дзеянняў на лімітавых рэжымах палёту, дзеянняў пры адмовах авіяцыйнай тэхнікі і памылках лётчыка, выкананне палётаў у самкнутых баявых парадках днём і ва ўмовах візуальнай бачнасці, засваенне сістэм ўзбраення і адпрацоўкі асноў баявога прымянення пры дзеяннях па наземных і паветраных мэтах, навучанне навыкам выканання наступальных і абарончых манеўраў, характэрным для самалётаў чацвёртага і пятага пакаленняў.
Самалёт забяспечаны сістэмай імітацыі рэжымаў баявога прымянення, якая дазваляе (без стрэльбы сапраўднымі боепрыпасамі) адпрацоўваць паветраны бой, узаемадзеянне паміж самалётамі, ракетна-бомбавыя ўдары па наземных мэтах, у тым ліку з імітацыяй СПА праціўніка. Маюцца і дзевяць кропак падвескі — для падвесных паліўных бакаў і кантэйнераў з сапраўднымі гарматамі і ракетамі.
У выпадку вайны самалёт здольны выконваць задачы лёгкага штурмавіка — знішчаць асобныя наземныя аб’екты, малахуткасныя паветраныя мэты.
Пры пастаўках на экспарт Як-130 пазіцыянуецца як вучэбна-трэніровачны комплекс для асваення знішчальнікаў Су-30МК.
Лётныя здарэнні
Па стане на 19 мая 2021 года страчана восем самалётаў Як-130.
19 мая 2021 года самалёт упаў у Баранавічах на тэрыторыі горада. Абодва пілоты загінулі, быў пашкоджаны ашчэпкамі шматкватэрны дом.
Зноскі
- ↑ World Air Forces 2014 — 2014.
Літаратура
- Андрей Юргенсон. Як-130 приходит в ВВС // Авиация и космонавтика. — М., 2010. — № 4. — С. 1—9.
- В. Мейлицев. Репетитор для 5-го поколения // Техника молодёжи. — М., 2013. — № 3 (954). — С. 23—33.
- Николай Долженков. УТК Як-130 // Самолёты мира. — М., 1996. — № 1. — С. 4—6.
Спасылкі
На Вікісховішчы ёсць медыяфайлы па тэме Як-130
Катэгорыя·Паветраныя судны, якія здзейснілі першы палёт у 1996 годзе
Катэгорыя·Паветраныя судны паводле алфавіта
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Самалёты Расіі