wd wp Пошук: ⬜

Якуб Обраўскі

Якуб Обраўскі (чэшск.: Jakub Obrovský; 24 снежня 1882, Брно, Аўстра-Венгрыя — 31 сакавіка 1949, Прага, Чэхаславакія) — чэхаславацкі мастак, скульптар і графік.

Біяграфія

Скончыў у 1901 годзе Вышэйшую школу прыкладнога мастацтва ў Празе. Вучань Станіслава Сухарды. У 1904−1905 гадах вучыўся ў Пражскай акадэміі выяўленчых мастацтваў. У 1905—1906 гг. — на службе ў арміі Аўстра-Венгрыі.

У 1907 годзе атрымаў стыпендыю на наведванне Італіі. Жыў у Рыме. У 1908 годзе вярнуўся ў Прагу. Адкрыў мастацкую майстэрню.

Выкладаў у Акадэміі жывапісу. У 1919 годзе стаў прафесарам, а ў другой палове 1930-х гадоў — рэктарам пражскай Акадэміі выяўленчых мастацтваў.

Творчасць

Як жывапісец працаваў у акадэмічна-сімвалічным стылі, засяродзіўшы асноўную ўвагу на дэкаратыўных размалёўках сваіх карцін, матывах з жаночымі фігурамі. Скульптурай стаў займацца пазней, стварыў шэраг помнікаў і статуй.

Адзін з першых мастакоў — стваральнікаў паштовых марак Чэхаславакіі.

Выбраныя працы

Паштовая марка ЧСР «Леў, вызваляецца ад сваіх ланцугоў» (28 кастрычніка 1919)
Паштовая марка ЧСР «Алегорыя эканомікі» (1920)
Скульптура «Адам і Ева» (1929)
Помнік на мемарыяле сялянскім паўстанцам 1775 года ў г. Хлумец-над-Цыдлінаў (1940).

Зноскі

↑ birth registry
1 2 Czech National Authority Database Праверана 23 лістапада 2019.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #122181999 // Агульны нарматыўны кантроль — 2012—2016. Праверана 30 снежня 2014.
↑ The Fine Art Archive — 2003. Праверана 1 красавіка 2021.

Спасылкі

На Вікісховішчы ёсць медыяфайлы па тэме Якуб Обраўскі
Jakub Obrovský (чэшск.)
Osobnosti Bystrce: J.Obrovský
Virtuální prohlídka, socha Chlumec n. Cidlinou
Kalendárium ČT 1, 2012