У Вікіпедыі ёсць артыкулы пра іншых асоб з прозвішчам Дрозд.
Якаў Іванавіч Дрозд (1897—1989) — беларускі будаўнік, мостабудаўнік, педагог. Інжынер шляхоў паведамлення. Заслужаны дзеяч навукі і тэхнікі БССР (1958). Заслужаны будаўнік БССР (1967)[1].
Скончыў будаўнічы факультэт Кіеўскага політэхнічнага інстытута (1929). З 1930 года ў Беларусі. З 1934 года супрацоўнік Беларускага аддзялення Саюздарпраекта НКУС СССР; выкладчык Мінскага аўтадарожнага тэхнікума[1].
У 1941—1945 гадах удзельнік Вялікай Айчыннай вайны; намеснік начальніка тэхнічнай часці ваенных аўтамабільных дарог Заходняга і 3-га Беларускага франтоў[1].
У 1945—1952 гадах намеснік начальніка Галоўдартранса пры СМ БССР. З 1952 года загадчык кафедры «Будаўнічыя канструкцыі» Беларускага політэхнічнага інстытута[1].