wd wp Пошук: ⬜

Ягор Забелаў

Яго́р Забе́лаў (нар. 12 чэрвеня 1981, Мінск, БССР) — беларускі акардыяніст і баяніст.[2][3]

Біяграфія

Грае на баяне з 7 гадоў, піша музыку — з 20. Яго і двух братоў вучыў іграць на баяне бацька. Затым скончыў музычную школу, вучылішча імя Рымскага-Корсакава ў Магілёве і Беларускую дзяржаўную Акадэмію музыкі. У 2002 годзе стаў лаўрэатам міжнароднага конкурсу выканаўцаў на народных інструментах імя Жыновіча.

Заснавальнік гурта «Gurzuf» і «Yegor Zabelov trio». Граў у складзе гуртоў «Серебряная свадьба» і «Нагуаль». З 2011 года выступае пераважна сольна і з трыа. Аўтар музыкі да кіно і спектакляў беларускага рэжысёра Аляксея Леляўскага. Гастраляваў ва Украіне, Польшчы, Расіі, Францыі, Партугаліі, Германіі, Славеніі. У агучцы Забелава выйшла фестывальная версія нямога фільма «Голем: як ён прыйшоў у свет» (1920).

Дыскаграфія

Альбомы

2020 — «Niti»

Зноскі

1 2 https://m.vk.com/id11545021
↑ Чалавек-сусвет Ягор Забелаў – сола і з трыа ў #BML(нявызн.). Белсат (2 лютага 2019). Праверана 4 кастрычніка 2021.
↑ РУСУ, ДАР’Я «Часам важныя не ноты». Баяніст Ягор Забелаў пра першы сольнік, ідэальнага слухача і музыку эмоцый(нявызн.). Hrodna.life (23 ВЕРАСНЯ 2020, 20:58). Праверана 4 кастрычніка 2021.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх
Ягор Забелаў на «Тузін Гітоў»