Юрый Сяргеевіч Цюкалаў (руск.: Ю́рий Серге́евич Тюка́лов; 4 ліпеня 1930, Ленінград -19 лютага 2018, Санкт-Пецярбург) — двухразовы алімпійскі чэмпіён, шасціразовы чэмпіён Еўропы, заслужаны майстар спорту (1952) і заслужаны трэнер па акадэмічным веславанні, мастак, архітэктар, Ганаровы грамадзянін Санкт-Пецярбурга (2002). Выпускнік Ленінградскага вышэйшага мастацка-прамысловага вучылішча ім. В. І. Мухінай.
Выхаванец заслужаных трэнераў СССР В. А. Саўрымовіч і М. І Саўрымовіча. Шматразовы чэмпіён СССР (1948—1962) у складзе спортклуба «Чырвоны Сцяг», чэмпіён Еўропы (1954, 1956—1959 і 1961). Першы савецкі Алімпійскі чэмпіён.
Поспех Юрыя Цюкалова ў гонках адзіночак стаў адной з сенсацый Хельсінскіх Алімпійскіх гульняў 1952. Адначасова з залатым медалём чэмпіёна яму ўручылі і вышэйшую ўзнагароду вяслярнага клуба Фінляндыі.
Сканаў 19 лютага 2018 года. Пахаваны ў Санкт-Пецярбургу на Мікольскіх могілках Аляксандра-Неўскай лаўры. У 2019 годзе на магіле адкрыта надмагілле.